Coñece a historia dos nosos artesáns de instrumentos musicais

Un son potente, persoal. Unha afinación perfecta para unha gaita única. Así describen os mellores artistas, tanto profesionais como afeccionados, as gaitas que nacen no Obradoiro que Xosé Manuel Gil fundou en 1999, ao que pouco despois se uniu o seu irmán Alfonso. Artesán titulado na creación de instrumentos musicais tradicionais galegos (gaitas e requintas) pola Universidade Popular de Vigo, Xosé Manuel tivo o privilexio de formarse co mestre Antón Corral. Dende el aprendeu que só o amor polo oficio, a dedicación e a constante busca dun son auténtico permiten crear instrumentos perfectos. Esa mesma filosofía guía hoxe ao Obradoiro de Gaitas Gil, un referente na creación de gaitas galegas en Ponteareas.

Os nosos instrumentos non só destacan pola súa beleza, senón tamén pola súa precisión: de timbre doce, son potente, afinación exacta, que reflicten unha perfección atraente e única. A clave deste éxito está na continua investigación que realizamos cada día. Innovamos con novos materiais, ferramentas e métodos, explorando tonalidades inéditas e perfeccionando as existentes. Pero sempre co respecto á tradición que os antepasados legaron e desde a máis escrupulosa ética profesional inquebrantable.

Se buscas un Obradoiro de Gaitas ou desexas comprar unha gaita galega, no Obradoiro de Gaitas Gil en Ponteareas atoparás o equilibrio perfecto entre tradición e modernidade. Ademais, no noso espazo poderás descubrir máis sobre a historia e evolución destes instrumentos.

Ampla experiencia

Desde os seus modestos comezos en 1991, o Obradoiro Gaitas Gil percorreu un longo camiño na fabricación de gaitas en Ponteareas. Xosé Manuel e Alfonso Gil, con máis de tres décadas de experiencia, combinan tradición e tecnoloxía para crear instrumentos de calidade inigualable. O seu amplo coñecemento artesanal, perfeccionado durante moitos anos, consolidou o Obradoiro como un referente, sempre na busca da excelencia e da innovación.

Tradición galega

O Obradoiro Gaitas Gil respecta profundamente a tradición galega en cada instrumento que crea. Formado polo gran mestre Antón Corral, Xosé Manuel Gil transmitiu estes valores ao seu Obradoiro, onde a gaita se fabrica seguindo métodos artesanais ancestrais. Ao mesmo tempo, integran novas técnicas e materiais, mantendo sempre o espírito da cultura musical galega, asegurando que cada gaita preserve a súa esencia e autenticidade.

Instrumentos únicos

Cada gaita fabricada en Gaitas Gil é única, froito da perfecta combinación entre artesanía e tecnoloxía avanzada. Utilizando maquinaria moderna como fresadoras CNC e técnicas de precisión, os seus instrumentos logran unha afinación impecable e un son excepcional. A dedicación aos detalles e o uso de ferramentas innovadoras permiten que cada peza destaque pola súa calidade, personalización e acabado, facendo que cada gaita sexa unha obra de arte irrepetible.

Gaitas personalizadas

Especialidades do noso Obradoiro de Gaitas en Ponteareas

Obradoiro de Gaitas

O noso Obradoiro de Gaitas en Ponteareas é sinónimo de constante evolución. Combinamos a tradición artesanal coa máis avanzada tecnoloxía, como fresadoras CNC e ferramentas de precisión. Cada gaita fabrícase con dedicación manual, coidando cada detalle para lograr un son auténtico e de alta calidade. Investigamos continuamente novos materiais, métodos e tonalidades, perfeccionando cada instrumento para ofrecer o mellor da artesanía galega e a innovación técnica.

Saber máis

Venda de gaitas

No noso Obradoiro podes adquirir gaitas únicas que destacan pola súa beleza, precisión e son inigualable. Con un timbre doce e potente, unha afinación exacta e un acabado impecable, as nosas gaitas atraen tanto a profesionais como a afeccionados. Na nosa galería, atoparás unha selección de gaitas e punteiros feitos á man, onde cada peza reflexa o equilibrio perfecto entre tradición e tecnoloxía, listas para que elixas a túa.

Saber máis

Descubre toda a colección do noso museo de instrumentos

Durante moitos anos, incluso antes de ter o Obradoiro, sempre mostramos unha curiosidade especial polos instrumentos antigos de vento. Comezamos restaurando o que foi o primeiro clarinete da Banda de Música de Rubiós “As Neves”, que pertencía ao noso avó José Gil Palleiro. Pouco a pouco e con moita paciencia foron caendo nas nosas mans unha gran diversidade de gaitas, punteiros, frautas traveseiras, clarinetes, oboes...

A día de hoxe, no noso museo de instrumentos en Ponteareas, temos unha gran colección de punteiros antigos, algúns incluso pertencentes aos famosos gaiteiros de Soutelo de Montes. Tamén, destacamos gaitas como unha tumbal do 1800, unha en madeira de boxe e outra que participou na gravación de varios temas de Carlos Núñez. Ademais, contamos cunha colección de frautas traveseiras máis importante da Península, segundo algúns expertos do Real Conservatorio de Música de Madrid. Máis de 90 frautas de diferentes madeiras e dos máis importantes construtores fan que esta colección sexa un orgullo.

Unha das gaitas que conservamos con máis cariño é a que foi a primeira gaita do noso mestre e amigo, Enrique Otero Covelo. Fabricada arredor do ano 1947 polo artesano “Marreco” de Xinzo, Enrique fixo un documento manuscrito explicando os motivos do seu agasallo:

"Como agarimo e lembranza a quen foi alumno meu, Xosé Manuel Gil (Pino).

Dónolle esta Cornamusa ou Gaita fabricada en Xinzo Ponteareas polo Mestre construtor Sr. Represas, quen foi así mesmo Mestre de Gaiteiros e artesáns de Gaitas. Alumno moi destacado Sr. Seivane. Quero deixar o meu agarimo doando a miña primeira gaita (47) a un alumno meu, e así mesmo a teña no seu Museo en memoria de tódolos Gaiteiros.

Algunhas das nosas frautas

Contacta para saber máis sobre as nosas gaitas en Ponteareas

Non dubides en contactar con Gaitas Gil para solicitar información sobre as nosas gaitas galegas en Ponteareas, servizos ou resolver calquera dúbida que teñas.

Contactar

Gaitas Gil, Obradoiro de Gaitas